طريقة الحصول على بطاقة للماستر كارد مجانا
 |
| طريقة الحصول على بطاقة للماستر كارد مجانا |
بطاقة الماستر كارد هي بطاقة يتم اصدارها من قبل مصرف الرافدين عن طريق تطبيق سوبر كي بعد ايام قليلة سوف يكون التعامل ببطاقة الماستر كارد في كل الدوائر الحكومية العراقية، لدفع الرسوم لانجاز المعاملات وبذلك تحتاج بطاقة دفع الكتروني لاتمام المعاملات في دوائر الدولة او شراء البانزين او التسوق.
كيف تحصل على بطاقة الماستر كارد مجاناً تابع الشرح
- تقوم بتنزيل تطبيق سوبر كي الموجود في سوق بلي
- تدخل على التطبيق وتضغط على انشاء حساب جديد
- وبعدهة تسجل اسمك واسم والدك وبعدهة المحافظة وبعدهة تاريخ ولادتك بليوم والشهر والسنة
- وبعدهة تحديد الجنس اذا ذكر او انثى
- بعدهة راح يطلب منك رقم الهاتف تسجل رقم موبايلك وبعدهة تخلي كلمة السر بلحقلين
- وبعدهة راح يفتح عندك الحساب
- تدخل مكتوب الخدمات تضغط عليهة راح يطلعلك اصدار بطاقة تضغط على كلمة استمرار راح يطلب منك تصور نفسك
- وبعدهة تصور بطاقة السكن
- وبعدها الموحدة مالتك الموحدة والسكن تاخذلهن صور وجه وكفة
- وبعدها راح يطلب منك معلوماتك بسيطة مثل اسمك ولادتك تكتبهن وتضغط عالارسال
- بعدهة خلال يوم او يومين يتصل بيك مندوب يوصلك البطاقة لباب البيت مجاناً
من توصلك الهوية تسجل بيهة دخول للحساب تكتب الرقم الي بظهر الهوية واكو بظرف رمز يجي وية الهوية تكتبة وتتفعل عندك، وبعد كا تخلي بيها فلوس يتم استقطاع 10 الف دينار ثمن البطاقة واي منفذ تكدر تشحن من عندة فلوس .
شلون اكدر اخلي بيها فلوس البطاقة
بعد ما تفعلها تكدر تخليها بيها فلاس من اي منفذ بعمولة بسيطة لكل مليون 3 الف ديناراً وتكدر تحول منها وتستلم فلوس عن طريق تطبيق سوبر كي وبسهولة.
كيف احفاظ على امان البطاقة
ببساطة البطاقة تحتوي على معلومات مثل رقم البطاقة وتاريخ البطاقة ورمز العمليات ورمز يوصلك برسالة هاي المعلومات لاتشاركها مع اي شخص لكي تبقى محافظ على بطاقتك امنه.
ماهو الفرق بين رمز الــ CVV و رمز الـ PIN الموجود في بطاقات الماستر كارد
- رمز الـ CVV :- هو ثلاثة أرقام سرية، موجودة خلف بطاقة الماستر كارد ، يستخدم كرمز اساسي لإتمام عملية التسوق الالكتروني بالبطاقه.
- رمز الـ PIN :- هو الرقم السري للبطاقة مؤلف من 4 أرقام يحمي بطاقة الماستر كارد .. تستعملة من تسحب فلوس من بطاقتك أو من تسحب راتبك من خلال منافذ الصرف او عند سحب مبالغ من أجهزة الـ ATM.
حافظوا على هذه الأرقام بكل أمان ولا تشاركوها مع اي أحد ، حتى تكونون دائما بأمان.
اما في حال ضيع البطاقة عليك الاتصال بخدمة الزبائن او الذهاب للمصرف لكي يتم تجميد المبالغ الموجوده في البطاقة واصدار بطاقة جديدة.